Grûba Morceleyê Kirmanckî ke 2 aşmî verê Amed de ameye ronayene, aktîvîteyanê xo domnena. Grûbe şewa şîîran ra dima aktîvîteya xo ya dîyine zî organîze kerde. Grûbe çarçewaya xebatanê xo de konserê Celo Boluzî viraşt. Konser Gilgameş Kafe de virazîya.

Nuştox, şaîr û Serekê Beşê Kirmanckî yê Unîversîteya Artuklu Mihemed Malmîsanij, endamanê Grûba Xebatan ya Vateyî ra Haydar Diljen û Mehmud Nêşite zî tede xeylê kesî beşdarê konserî bîyî. Destpêk de endamanê grûbe ra Esad Şanliyî qisey kerd û qala muhîmîya aktîvîteyanê grûbe kerde.

Dima ra konser dest pêkerd. Hunermend Celo Boluz û embazanê ci deyîrê kirmanckî vatî. Temaşekerdoxan eleqeyêko gird nîşanê hunermend Boluz û embazanê ci da. Boluzî vatişê deyîran ra dima dîyar kerd ke demêko nizdî de o do albumêko newe ke safî deyîranê kirmanckîyan ra yeno pê, bivejo. Konser vatişanê deyîran ra dima qedîya. AMED

Cewab verde

Please enter your comment!
Please enter your name here