Saraya Şehîd û Sîmaya qijkek

Fotograf û xebere: Azad Ararat

Sîma! Yew domana qijkek ya kurdan a. Pîyê ci Partîya Pêşwerû ya Rojawanê Kurdîstanî de gureyê partîye keno. Wexto ke DAÎŞ gale kerd, pîyê Sîma şer de cayê xo girewt û Kobanî sevekna.

Maya Sîma yew cinîya keyeker a. Aye, mamostatî kena, rayberîya Yekîtiya Rewşenbîrên Kantona Kobanî de cayê xo girewto, endama KNK ya û Meclîsa Suriya Demokratîk de cayê xo gêna.

Sîma wayîrê may û pîyêko winasî ya. Sîma jêhatî ya. Taybet çalakiyan de cayê xo gêna. Mezgê xo raver o. Wexto ke dewleta tirke dewêka Girê Spî de Sara şehîd kerd; Sîma zaf kewt ver, zaf pê deja. Sîma verê ke keye ra rayîr kewa û şira beşdarê merasîma Şehîd Sara biba, maya xo ra vana wina-wina rîyê mi xêz bike. Badê cû Sîma bi xembariyêka girde reyde şina merasîma Şehîd Sara. Merasîmî de maya ci no fotografê ke cor de ro anto û mi rê erşawito. Mi va ez nê fotografî wendoxanê keyepele rê pare nêkera nêbeno.

Dişmen senî keno wa bikero. Bezreyê azadîye her roje ajanê neweyan dano. Ruhê Sara û Sîmaya qijkek jî do nê welatî de azadî û serberzî ya biciwîyo.

1 şîrove

Cewab verde

Please enter your comment!
Please enter your name here