Des Çîçegê Wisarî

Faîk Axdat

 

Na vewra şima bîye vewre ma rê na verê wisarî de

Wisarê ma kerd bi şayê veşna

Veşna çîçegê ma yê verê vewre

Veşna çîçegê Xozatî û Pulur

Veşna des çîçegê Dêrsimî

Kam vano hîris û heşt qedîya yo

Kam vano cengê ma û dîşmenê kanî qedîya yo

Dişmen bîyo har mendo

Veng êno Derê Şeytanan de

Tifangî erjînê topî varenê

Na vewra şima bîye heval Faîk

Na vewra şima bîye Erdal, Seyîtxan, Azîz

Na vewra wisarî bîye heval

Bêwext vara

Tenga wisarî de şima ma ra girewtî dişmenê kanî

Ma kerdîme bêkes

Na ma vîrî ra nêşina

Gonîya şima rişîye herdê dewresî

Çîçegê wisarî bi gonîya şima amey awe dayene

Ginay na vewra wisarî de koyê Dêrsim de

Zerrê ma zon dano bira

Ax cîgerê dayîkan ax cîgerê hevalan

Ax hevalê minê raya derge

Cewab verde

Please enter your comment!
Please enter your name here