Kurdî û gerîlatîye

Azad Ararat

 

Ma yê kurdî serranê tarîxî ra ravêrenê. Nê serran de ameyoxê kurdan keweno bin garantîye. Qandê na serkewtişî zî tay ganîyîyî estê. Ganî ma yê kurdî nê ganîyîyî bîyarê ca ke ameyox qetî bibo. Çunke şert û şûrtî çiqas ca de benê wa bibê eke mudahale nêro kerdene vurnayîşî xovero nêbenê.

No seserran o şarê kurdî benê leşkerê baş yê dagîrkeran. Coka teba nêkewt destê şarê kurdî. Bi şerê began û şêwazê înan kurdî nêbî çîyêk. Badê began wexto ke şêxan dest bi serewedaritişî kerdêne ancî teba nêkewt destê şarê ma. Her tim badê serewedaritişan komkiştene û koçberiye bîye para ma. Edebîyatê şarê ma yê fekkî û yê nuştekî no het ra xeylê meseleyî mojneno. Deyîr û muzîkê kurdî de zî heman çî yeno dîyene. Naye zî çarenus nîya, zeîfîya kurdan a.

Kurdî şexsê Rayber Abdullah Ocalanî de bi fikrêko modern û newe vejîyayî ser dika tarîxî. Rayberîye 1- girîndî dayo îdolojî. 2- girîndî dayo rêxistin û partî awan kerdo. 3- girîngî dayo gerîlatîye. Rayberî şerê dewijan nêkerdo. Şerê pêşmerge zî nêkerdo. Bi hewayêko baş gerîlatîye raver berdo. Bêgûman no zî rehet nêbî.

Her kesê eleqedar hol zanenê; îdolojî, rêxistin û gerîlatîye nêbîyêne Kurdîstanî de çi çî raver nêşîyêne. Vurnayîşê komalê kurdan de bîyê, destpêk de gerîlatîye mîyan de bîyê. Badê komelî mîyan de raver şîyê. Şerê eşîretî, şerê herêman, şerê pêşmerge Kurdistan ard çi halî partiyê kurdan ra biewnê hol yeno dîyene. Naye ra mîsaleyo tewr hol zî rewşa Xakurkê ya. Xakurkê bi serran o dişmen nêşeno dekewo. Hakîmîyet destê gerîla de bî. Zimistan ra nat dişmen bi hetkariya korucu û pêşmergeyan wazeno herêma Xakurkê dagîr bikero. Eslê xo de dewleta tirkan wazena heme Başûrî dagîr bikera la seba ke gerîla esta nêşena. Dewlete nika wazena gerîla zeîf bikera û badê Başûrê Kurdîstanê dagîr bikera. Êyê ke tewr hol hetkarîye kenê zî korucu û peşmerge yê. Kesê ke verê sere wedard şer kerd nika biyê maşika destê dagîrkerê xo û yenê bikarardene. Qandê cû gerîlatîye her wextî ra vêşî kurdî rê ganîya û sey awe û hewa ya.

No babete de wezîfe keweno ciwanî ser. Ganî bi se hezaran ciwanî bêrê û beşdarê gerîla bibê. Ma hêzek winî virazê ke yew roje de bişê ver bi heme dewletanê dagîrker lej bikerê. Eke wina bî pêroyê Kurdîstanî pêr û pîya beno azad.

Xirîstîyantî hîrê sey serrî têkoşîn kerd. Badê no têkoşînî û bedelêko giran xirîstîyantî ame qebûl kerdene. Şorişê kurdî zî kurdî ra sînordar nîyo. Eke kurdî ser kewtî şaran ser kewenî. Nê zehmetîyê ke vejîyenê vernîya kurdan sebebê xo yo yew zî no yo. Coka ciwanê kurdî ganî bêrê û beşdarê gerîla bibê.

Hetê Rayberîye, îdolojî û partîye de kemaneyî çin ê. No hetan ra Tevgerê Azadîye serkewte yo. Çîyo ke ganî yo, bîyayîşê gerîla yo. Nê serran de kurdî û dostanê ci çiqas bibê gerîla ewqas zî kewenê ser. Gerîla: dermanê nêweşîyî ya. Gerîla: newe ra xo awan kerdiş a. Gerîla: xo qilêrê dewlete û serdestî ra pak kerdiş a. Na seserre de çare gerîlatî ya. Gerîla dermanê heme derdanê seserra vîst û yewine ya. Coka ganî ma gerîlatîye berz bikerê û gerîlatîye reyde ser kewê.

Cewab verde

Please enter your comment!
Please enter your name here